我車報員好多朋友嘅座駕都係Volkswagen出品，佢哋（尤其係揸GolfGTI嗰班）成日讚部車幾好玩幾掂，但一講到維修，成班人就擔心日後VolkswagenHK正式接手後唔知會點；其實佢哋喺5月20日於荃灣開設咗首間維修中心，為所有Volkswagen車主提供更佳同價錢更吸引嘅維修服務。
講番呢個佔地約18,000平方呎嘅全新維修中心，位處荃灣德士古道204-210號地下，內裏設備齊全，客人不僅可安坐設有落地玻璃嘅休息室，一路嘆CoffeeBar提供嘅咖啡，睇吓座駕嘅維修過程，另外仲可以選購心水精品。維修設備方面，除有10個維修工作間及11名專業技術人員駐守外，另外仲有焗油房、電腦控制注入偈油系統等等，而全新Testor5052A維修檢查系統，更直駁德國總部以接收最新維修資料，從而用最新Data檢查你嘅座駕，更快捷搵出問題所在。
由即日起至8月28日，VolkswagenHongKongServiceCentre舉行一個極吸引嘅推廣優惠，你可以喺以下三個優惠中任擇其一，包括價值$1,440嘅電腦故障碼檢驗及冷氣內櫳清潔服務、所有標準保養套餐八折、又或者係透過網上登記而獲贈$300維修代用券。
記者：車報員
查詢：36989733
網址： http://www.vw.com.hk