弗德烈劈口教訓:你以為自己好很靚仔咩,人人都要錫你,就你……好啦,俾人治啦!
叮噹:算啦!唔好想咁多,一切周而復始都係咁㗎啦。
路易:AUOK?
A,B,C,D,E……=Areyouok?
敦:唔好做二奶,唔值得咁委屈啫,外面好多正嘢嗰喎。
蘇小姐:喂喂喂,咁陳舊文藝言情橋唔怕舊咩?好陌生喎,唔該隨緣啦。浪漫唔係唔好,歷久常新可令青春常駐,延年益壽,恭喜發財。不過冇咁好彩。
鬧感情情緒的朋友不用pass個手提電話過來分享豬朋狗友安慰或責備語,當然少不了秘密情人蜜蜜的情書,單單睇個衰樣足可浪費世間能源若干,讓張三李四發來最普通最無補於事的問候短信。
不是當事人,再深切的友誼奉獻可能只是一串耐性的聆聽甚或一記意義不大的擁抱;我們的肩膊比不上他的雙臂,縱使他發給你這樣的短信:「阿四,K回來了,對不起不能接聽你的來電!我晚一點再打畀你!……愛你。」
阿四,睇你點死?大眾給你的集體支持不及人家幾句否定閣下地位的簡信,沒了;「愛你」二字足夠今夜很長很長很長很長,用上加重語氣的感嘆號,承諾晚一點給你再聯絡,夠攞你命啦?誰叫你天生不合時尚的癡情?
不如我們改變語氣:「黐很線㗎你,頑耍一下事過境遷就好,何必搞到自己時運低,單單唔帶眼識人。」人人都係咁走過嚟啦;墮入愛河,三角四角戀,第三第四者,朋友個妻死黨個佬,失戀,傷心,絕望,冇覺好瞓,刀仔拮大髀;跳五級樓梯,買炭……最後用來燒雞髀,酸過,苦過,痛過,然後迎接下一輪時運低。
也有給你點唱,讓你留意歌詞,再語重心長都抵不上百分之一個林夕、陳昇、李宗盛……又有陳奕迅、許美靜、王菲、王若琳、張韶涵、陶喆的聲音襯場,播《隱形的翅膀》、《Let'sStartFromHere》、《不如不見》、《紅豆》、《暗湧》、《城裏的月光》……播到監製皺眉頭啦!朋友咋,就係做得咁多咋,節哀順變啦。