芝士蛋糕或鬆餅曾是潮流食物，現在風水輪流轉，西式包點聲勢下滑，健康的中式包點開始抬頭！中包連鎖店一哥「包點先生」越開越多，吸引不少新丁加入市場，剛於旺角開業的「飽點王子」，鎮店流沙叉燒包日賣1,000個，連連鎖西餅店都無咁勁銷量，可見中包幾咁潮！
記者：區佩嫦
攝影：伍慶泉、陳陶鈞
睇中旺角人流多
開業一星期的中包新丁「飽點王子」，位處租金偏貴的旺角，希望以人流來收宣傳之效。「這間店舖前面是巴士站，可以吸引等巴士的客人，且中式包已成潮流，前景絕對不錯！」炮製點心十多年的飽點王子老闆陳漢川表示。中式包比多牛油、多芝士的西式包健康，這店更推出紫米、香芋、麥米、麥皮等中包，令健康度更上一層樓。「做麵包，粉糰最重要，我們用泰國上等麵粉，比酒樓的貴33%，顏色雪白，麥味重，食落好鬆化。」店內師傅全有二、三十年經驗，無論是掌握麵糰的發酵度、搓麵包的技巧均達爐火純青階段，絕對唔怕貨比貨。
飽點王子
流沙叉燒包$4.5
自創流沙叉燒包，叉燒加蠔油芡汁味美甘香，餡料入口如湯汁般濃，日賣1,000個。
流沙奶皇包$4
流沙奶黃包輕輕一撕，餡料即時流出。
天下第一包$10
選用澳洲罐頭原隻鮑魚仔，成本價每隻$2；還用上香氣重的香菇，又香又有咬口！
怪師傅：啲包做得好鬆軟有誠意，天下第一包仲香噴噴㖭！
譚小姐：囡囡鍾意食天下第一包，好味但較貴。
羅太：中式包點健康啲，無咁甜，選擇又多。
飽點王子（23927938）
地址：旺角旺角道26號地下（花園街街市對面）
受OL學生歡迎
自助中包連鎖店一哥「包點先生」自上年10月首間店舖開業後，下月在旺角將開設第8間分店，負責人Jackie表示各分店提供約50多款包點：「公司因經營肉食零售及批發，用的豬肉一定是最新鮮，包才夠好味，即使競爭對手抄到我們嘅『形』，但『神』必定不同。」包點先生最初以買餸師奶為主，大多開設街市附近，但不少OL、學生都被其openkitchen及新派裝修吸引，令市場越來越young。「店舖門前更加設熱櫃，可以畀客人即買即食；又有自助形式包點架，客人可隨喜好揀包。」
包點先生
原粒瑤柱包（前）、鮑魚包（中）、魚翅包（後）各$10
原粒瑤柱用薑葱蒸腍，味甘不帶腥；鮑魚包用原片鮑魚配蘑菇，口感豐富；魚翅包則用煨過的翅加瑤柱和豬肉，好味！
甘笋包（前）、日式南瓜包（後）各$4.5
前者以甘笋及奶皇做餡；南瓜包外形極得意，南瓜及肉碎香滲入口腔，是至佳享受。
菜肉包（前）$4.5
用新鮮豬肉及椰菜碎作餡料，餡與包身比例為1:2，蒸好時肉味濃香。
黃金壽包 每個$28
壽包面噴上食用金粉，內裏放原隻流晒油鹹蛋黃，豐腴郁香。
鄭太：每次都會買一大袋，菜肉包餡料好足。
林小姐：每日都嚟買兩次，中式包夠健康好味。
黃生：最鍾意食壽包，口感好又軟滑。
包點先生（24048133）
地址：屯門啓發徑21-23號富恆大廈地下1號舖