近年唔少車廠都會參加一啲公益活動，例如早前四川大地震，唔少車廠都紛紛捐錢，甚至贊助車輛作賑災或救災之用。
然而，喺越野車界享負盛名嘅LandRover，今年正好係佢哋60年周年紀念，除舉行各式各樣嘅慶祝活動外，也繼續舉行LandRoverG4Challenge活動，希望藉此讓參加者透過呢項國際知名嘅極限賽事，嚟一次挑戰自己嘅比賽。將喺09年6月中舉行嘅總決賽，場地將會係中國內蒙古，因大會認為擁有極大草原、高山以及戈壁沙漠嘅地區，絕對適合用作比賽場地。
LandRover亦會藉呢次活動，透過蒙古紅十字會去幫助蒙古地區流離失所嘅家庭提供醫療服務。不過，最值得高興嘅係LandRover透過LandRoverG4Challenge，向國際紅十字會及相關國際聯合會提供援助及支持，目標係籌募超過100萬英鎊嘅資金，更以Defender為主嘅60部車，去協助國際紅十字會進行各項改善人類生活及救援項目。
記者：鄭達基