昨日無綫新劇《施公奇案II》試造型，亦是歐陽震華的47歲生日，他被劇中多名妻子擁抱，可謂艷福無邊。該劇今次找來宣萱取代首輯《施公奇案》的郭可盈擔演女主角，完全是多得歐陽震華在中間推波助瀾，他為了答謝本來要唞暑的宣萱，拍劇期間會照顧對方管接管送兼任飲任食。
無綫劇集《施公奇案》成績非常好，因此無綫決定添食再拍《施公奇案II》，男主角依然是歐陽震華（Bobby），但女主角卻由郭可盈變成了宣萱。昨日47歲生日的歐陽震華，在《施公II》的試造型活動上，左擁右抱，艷福無邊，監製林志華更下令劇中演員一齊壓在Bobby身上，Bobby笑說：「我直頭分得出邊個係男人，成套劇全部都係男人。」宣萱知道Bobby言下之意是指她的身材平平無奇，即時作狀打他，事後宣萱說：「以前佢叫我做微波爐㖭！」
生日盼劉翔第一
歐陽震華每年生日都大事慶祝，他說：「我屬牛，咪40幾歲囉！如果我話24歲都俾人妖喇！會話我衰老症。我嘅生日願望係希望中國攞多啲金牌，劉翔第一，奧運順利，自己同屋企人身體健康。今晚會同屋企人食飯，之後燒嘢食，同舊年一樣，不過咁熱唔知有冇人嚟，可能隨時會改，睇老婆安排。」
有報道指郭可盈因多年得不到視后，之後再以廣東話接受有線節目訪問，導致與無綫的關係惡化，所以《施公II》沒有份，宣萱說：「我覺得唔會囉，係煲水新聞多啫，事實我唔知，所以冇嘢講，可能有其他原因。」不過，對於郭可盈用廣東話接受有線訪問，她則說：「藝人都想擁有更大嘅自由度，上其他電視台係冇問題，不過我就會講國語。」
採訪：楊潔雯
攝影：陳慧安