法林明高自馬仙奴離隊，再走埋射手洛廸高卡度素，唔怪得近期咁不濟。不過挪超白蘭恩仲激，賣咗射手希士達去法甲勒芒，可以話要錢唔要命！今季白蘭恩喺挪超入咗22球，有一半係呢位仁兄射入，冇咗希士達就等於冇半隊波一樣。白蘭恩今晚要喺歐聯外圍賽對雲特史比斯，對家雖然只係拉脫維亞球隊，但避之則吉好啲！