今年環球經濟增長放緩，大陸商業銀行亦面對唔少挑戰，近日中國《銀行家》雜誌公佈中國商業銀行競爭力最新排名，按佢哋嘅公司管治、風險管理、信息技術、產品同服務等多方面，評估最具核心競爭力嘅銀行，第一位由工商銀行（1398）跑出，其次係招行（3968）同建行（939）。
早排英國《銀行家》雜誌，公佈嘅2008年全球1000家大銀行按一級資本排名，工行已經以一級資本663億美金位列全球第8位，今次佢再下一城。除咗有名，工行亦有利，今年佢嘅中期業績就發盈喜，預期08年度上半年盈利增長超過50%。雖然係咁，內地《銀行家》雜誌提醒，大陸銀行家吓收入唔係穩定，過份依賴利差收入。
內地最具核心競爭力銀行排名
第1位 工商銀行
第2位 招商銀行
第3位 建設銀行
第4位 交通銀行
第5位 中信銀行
資料來源：中國《銀行家》雜誌