債券大王格羅斯話花旗有2500萬間房屋可能變負資產，金融機構未來仲要撇賬1萬億美元，就算打個五折，都會為花旗經濟帶嚟重創。呢個預測要幾時成真唔重要，最重要嘅係，花旗呢幾年都好難有運行。上周五花旗股市回穩1日，但係應該好快會再跌過，港股應該會下試10日線，守得住應該可以再上試50日線。
恒生C輪1597：恒生（011）逆市升，報收152.60元，守住條10日線，升破155元會試160元，可以買啲恒生C輪1597博吓。隻輪收7.7仙，槓桿率19.8倍（有效8.4倍），正股升上160元，1597應該喺11仙樓上，正股跌穿149元就沽咗隻輪。