巴塞隆拿上周六熱身賽5:1大勝蘇超球隊登地聯，取代朗拿甸奴着上10號嘅美斯，大演帽子戲法，兩大射手亨利、伊度奧亦分別入波。教練哥廸奧拿今仗仲特登將隊長臂章交畀美斯，等佢試吓做領袖嘅滋味！不過要參加歐聯外圍賽嘅巴塞，眼見美斯咁出色，再次強調唔放佢打京奧，睇嚟本屆奧運會唔使旨意見到美斯啦！