鄺美雲昨日帶同愛犬Cash到亞洲博覽館出席活動，她透露Cash後左腳扭傷，但Cash很有靈性，日前不能隨她參加書展活動，表現得十分不開心，昨日知道能入場出席活動，即使扭傷也一拐一拐尾隨她出門口。鄺美雲又指Cash越來越重，準備為牠物色BB車及孭帶減輕自己負擔。
鄺美雲和張震女友吳家欣（Tanya）等昨日現身亞洲博覽館，出席動物醫生人狗情深選舉頒獎禮活動，鄺美雲帶同萬人迷愛犬Cash出席，她心痛指Cash扭傷左後腳，今天會帶牠看醫生。
買孭帶揹Cash
日前書展活動，由於會展規定動物不能入場，鄺美雲只好單拖撐場造勢，她說：「Cash好有靈性，冇得入場冇晒心機，今日呢個活動佢知道有份去，就開心番，表情都唔同晒，就算隻腳受傷，佢好辛苦一拐一拐都要跟住我出門口。」
鄺美雲又透露以Cash肖像製成的產品，在書展十分好賣，她說：「好多人一次過買好多，就送畀朋友同妹妹做禮物，我見到都好開心。」她又透露Cash越來越重，打算物色一條孭帶及BB車載牠，以減輕自己的負擔。早前她曾指要替Cash物色女友，現在進展怎樣？她說：「一路有搵緊，啲同種嘅狗女好多都閹咗，我都好心急飲新抱茶同做嫲嫲。」
Tanya進軍影圈
張震女友吳家欣則指養了一隻朱古力貴婦狗3年，她說：「佢叫Charlie，最近天氣熱，我就幫佢剪短晒啲毛，即刻成隻瘦蜢蜢咁。」她又指Charlie十分頑皮，她說：「都係自己唔識教佢囉，佢曳又唔捨得打佢，不過佢都唔會咬人嘅，係咬傢俬啫。」
問Tanya為何不隨男友往不丹參加梁朝偉及劉嘉玲的婚禮，她指因香港工作很忙，並計劃入影圈，問他日結婚會否效法偉仔嘉玲在不丹舉行婚禮？她說：「結（婚）先算啦，𠵱家事業先開始，工作為重呀，仲有我都冇宗教信仰，唔會考慮喺不丹行禮。」
採訪、攝影：LawWaiMan