鄭伊健日前同余文樂一齊憑電影《第一誡》成為富川國際電影節影帝，伊健話：「好開心同興奮，諗唔到會得到影帝，係我踏出第一步，以前啲人話我長髮會行好運，估唔到增磅都帶嚟好運。」問佢會唔會大事慶祝？佢話學周潤發咁講，視名利如浮雲，第一步唔能夠太自滿。佢聽聞電影遲啲喺香港上映，到時會請朋友睇戲同食飯。