傅明憲及李克勤昨日在奧海城出席「HushPuppies50周年動物福利巡禮」揭幕活動，傅明憲以愛護動物協會會長身份出席，克勤則是該會的愛心大使。
昨日活動主要呼籲愛狗之人收養唐狗，傅明憲說：「因為啲名種狗好多人爭住收養，希望大家都會考慮吓收養唐狗。」她透露昨日是其愛犬綠茶3周年死忌，今日則是孟波的3周年死忌，家中4隻北京狗都是13歲的老狗。對於有報道指她與緋聞男友莊家彬鬧分手，她說：「呢個問題同今日活動冇關，不如等下次你哋約我做專訪至答啦。」
囝囝尿片畀狗聞
已為人父的克勤家中也養了四隻狗，他說：「我希望囝囝同啲狗好似一家人咁好好相處，要BB同狗和平相處都有辦法嘅，我有攞個仔啲尿片畀啲狗聞，等佢認得佢陣味。」
採訪、攝影：LawWaiMan