Graffiti（塗鴉）開宗明義就是隨意亂畫，大師EricHaze由亂畫上神枱，之後將塗鴉變商品，在潮界大賣。今次在港搞首個展覽，卻誓要將這街頭文化回到藝術層面，展出一張張「可以Listen的畫作」。今次更由廿四味成員齊齊着EricHaze上身，力撐是次「FullCircle」展覽。
記者︰黃家欣
攝影︰梁細權、譚盈傑
EricHaze成名路
EricHaze十幾歲開始在紐約街頭畫Graffiti成名，1986年開設首間設計工作室，開始跟不同的單位合作，更曾為BeastieBoys、LLCoolJ及PublicEnemy等HipHop巨星設計唱片封套，替HipHopLabelTommyBoy設計的三人Logo更加是經典中的經典，但其實有苦自己知，「跟樂隊合作是比較辛苦的，好似BeastieBoys，三個成員各有意見，一次過要滿足三個願望！」93年成立自家服裝品牌，是發展街頭時裝的先頭部隊。在圈中打滾30年，早已榮升殿堂級人馬，依然不時與各大牌子交叉合作，繼有Nike、Casio及Apple等，每次推出新作定必引起潮界一片哄動，地位舉足輕重。
回歸原始創作
縱橫設計界30年，EricHaze將街頭藝術發揚光大，近年專攻日本，被捧到上天，不過回歸紐約後Haze亦不諱言Marketing策劃、宣傳讓他吃不消，「人人都迎合市場，產品來來去去差不多樣，零創意，悶壞人，所以我想做一些回歸純藝術的創作，毋須理會市場，畫我最喜歡的圖案。」Haze強調並不是以後都唔生金蛋，只是除商業之外，同時會放時間於藝術創作上。今次展覽以「FullCircle」為名，的確充滿實驗性，Haze放棄一貫Graffiti所用的噴漆，以炭筆、粉蠟筆來塗鴉，一切隨意，創作非常破格。
重複的圖案係節奏
展覽作品以簡約為主題，作品以不斷重複的星星、箭嘴、圓形組成，顏色亦只有黑、白、灰，偶爾以紅色點綴，「以往設計的廣告、唱片，都可以用好多顏色去表達，於是我想如果只用黑、白兩色就可以表達到個Message，一定好Powerful！而重複的圖案更展現一種節奏，是可以Listen的畫作！」廿四味Phat解畫︰「第一眼望都覺得好似亂畫。但細心睇，發現每一下落筆之前，都有想清楚。」Brian︰「其實好多幅畫都唔係表面咁簡單。」他一手指向牆上三幅並列的畫作，「你細心點看，會見到畫中隱藏SE3三個字，這是Haze早年畫Graffiti時用的名字。」可見對Haze來說是一種回歸。
$50買起EricHaze
話就話藝術，但Haze首次來港舉行展覽，始終少不了隨俗賣產品，會場一旁設置一間小Pop-UpShop，專賣今次展覽的紀念產品，包括有Tee、牛仔褲、貨車帽及ToteBag等，全部由EricHaze品牌、聯同Know1edge、55DSL、8FIVE2SHOP及24HERBS（廿四味）合作推出。當中最搶眼是限量14件、背部有大大隻Haze簽名的風褸。若然搶不到風褸，一套五張明信片，$50就可買起大師筆迹。另外，Pop-Upshop內亦設有三個玻璃櫃，展出Haze過往設計的G-Shock、TimePeace鋼錶等。
EricHaze：FullCircle
日期︰即日至8月8日
地點︰銅鑼灣怡和街68號2樓MOCAChina@DelayNoMall