隔牆有耳:奧馬保安急掃釘 - 李八方

隔牆有耳:奧馬保安急掃釘 - 李八方

北京奧運進入最後倒數階段,香港奧馬亦整裝待發,參賽馬匹噚日起陸續抵港,馬術參賽馬匹身價不菲,每隻馬價值最少逾千萬港元,因此香港要興建六星級馬房畀佢哋住,場地設施更加不容有失,𠵱家有恐怖組織聲言要搞事,保安工作更加要做到加零一。
八方日前去奧馬場地參觀,見到有個工人拎住一個金屬探測器周圍掃,即刻避開一邊,擔心路上有地雷,不幸踩中就唔使迎接奧運。工人見狀話唔使緊張,佢唔係掃雷,只係掃釘,因為奧馬場地剛竣工,可能遺下鐵線、鐵釘喺沙地、草地上,萬一價值千萬元「戰馬」行過時踩到異物受傷,後果堪虞,所以有關方面要派人地氈式掃除不明物體,保障馬匹安全。