《法網群英》昨日在大埔亞視總台開鏡拜神，演員包括吳啓華、萬綺雯及張文慈等祈求拍攝順利。吳啓華透露拍劇冇時間照顧懷孕的太太：「好在有個好外母，其實我太太都好體諒我，叫我畀心機做嘢，搵奶粉錢。不過，喺呢個時期佢（太太）都會有特別要求，好似半夜三更去馬鞍山邊間買米線咁。」吳啓華表示並不打算知道BB的性別，他說：「我想到時先知，到時都諗住陪太太生，我知道關詠荷開刀家輝（張家輝）都可以陪生，我會再同醫生傾吓！」
萬綺雯停拍劇集多年，過着悠閒的師奶生活，不過連日來在火熱高溫下，她仍要與張文慈拍攝外景，萬綺雯說：「以前我4點後先出街，得閒去超市逛吓，𠵱家開工，噚日仲要同張文慈拍外景，熱到個身同胳肋底都濕晒，真係好辛苦。」
採訪：楊潔雯
攝影：陳俊強