韓國男星權相佑同女星孫泰英將於9月28號拉埋天窗，喺首爾新羅酒店大宴親朋，外界都非常關注有關詳情。噚日有消息指啱啱喺5月當完兵嘅「情歌王子」曹誠模將會喺權權婚宴上高歌，祝福一對新人白頭到老。據講今次係權權主動提出邀請，曹誠模見好兄弟親自叫到，雖然自己忙緊炮製新大碟都一口答應，認真畀面。