藍奕邦喪母傷心

藍奕邦前晚在中環一間酒吧舉行音樂會，到來打氣的有劉浩龍及林一峰。席間藍奕邦透露他的母親因患胃癌剛剛病逝，他說：「媽媽臨終前話自己一生無憾，𠵱家佢去咗另一個境界，我係好傷心，但係冇狂喊，我𠵱家已經平靜落嚟，不過返到屋企，只有我同爸爸嘅感覺有啲空洞，有啲唔慣少咗媽媽！」在音樂會上，他更宣佈正式加盟東亞娛樂。