日聯周日爆發榜首大戰，次席浦和紅鑽今周得到兩位主力復出下，有望作客擊敗宿敵鹿島鹿角。但穩陣計，既然紅鑽歷史性地在聯賽開[+1]，唔捧實在對唔住自己，先取「客勝」，再吼個半冷3.15倍客W。畢傑
暫處榜首的鹿島鹿角，正正是上季後來居上、反壓浦和紅鑽奪得聯賽錦標的仇人。到目前為止，紅鑽又以兩分之差落後鹿角，今役兩位宿敵對碰，料客軍戰意較之前任何一場聯賽熾熱。
兩主力齊復出
紅鑽今周硬撼鹿角，正好有阿部勇樹及堀之內聖兩名主力停賽復出，而前線4名射手艾美臣、高原直泰、田中達也及永井雄一郎又可候命，即使有「刑滿」復出的細貝萌因踢奧運而缺陣，陣容肯定比上仗齊整。
此外，原來自足智彩成立以來，馬會從未在日聯試過開紅鑽[+1]，今役可說是首次為這支傳統勁旅開出這樣懸殊的盤口。再看對賽往績，紅鑽近4次到訪鹿角的鹿島足球體育場得2勝2和；既然難得紅鑽受讓[+1]，1.75倍「客勝」確實值得支持一次。
鹿島鹿角方面，近6場聯賽贏足5場，馬昆奴斯、興梠慎三及丹尼路等人腳風頗順；不過要考慮的是，這支榜首隊今周有兩名中場船山祐二及大道廣幸坐波監，加上守將後藤圭太及金古聖司又因傷雙雙缺陣，兵源調配上肯定不及紅鑽。再者，鹿島鹿角首循環作客浦和紅鑽，便被對手的永井雄一郎梅開二度下淨勝2:0。
往績兵源皆勝鹿角
有見及此，無論往績、兵源俱以紅鑽稍勝一籌，實在難尋敗理。1.75倍「客勝」可捧，再考慮到紅鑽近月甚少和波，可一試有3.15倍的客W。
星期日4
鹿島鹿角vs浦和紅鑽 1：2
半全場：和/客
盤口：鹿島鹿角[-1]
讓球主客和：A客勝