第一次，摩連奴終於付出第一次……，俾國際米蘭球迷噓。話說前日佢帶兵操練，由於一早設定係閉門練習，就算國米球迷喺場外苦苦哀求都冇用，摩連奴堅持唔放畀人睇！球迷反轉豬肚，就喺訓練場外噓摩連奴，於是摩帥就喺意國得到被人柴台嘅第一次。講真，佢以前教車路士連老細油王都冇面畀，球迷？梗係睬你都儍。