煩死！國際足協會長白禮達日前叫各球會放23歲以下球員參戰奧運，但人哋做唔做係另一回事。好似巴塞擺明唔肯放美斯，搞到美斯躁躁哋，據報前日操練時同馬基斯發生爭執。換轉係平時，佢通常低調唔出聲，今次起火明顯同奧運風波有關。教練哥廸奧拿就拉美斯仔訓話，但計我話邊會有用吖，不如放人踢奧運，將來為球會赴湯蹈火咪仲好。