今夏約滿嘅前巴西國腳卡富，快將落實由AC米蘭轉投A-League嘅黃金海岸，並繼羅馬里奧等之後，第2位世界盃冠軍隊成員同袋鼠「做朋友」；卡富要喺澳洲綻放餘暉，仍游刃有餘，但目前該隊連一個外援都冇，未試過喺英語環境踢波嘅佢，肯定要面對適應難題。查實卡富臨近收山，橫豎講英文，不如嚟香港踢波仲好，況且我哋都有「黃金海岸」！