【本報訊】「我記得你說過返工最緊要開開心心，為何如此選擇？」「我走仲叫我睇開啲，咁你做咩咁睇唔開？」滙豐高層劉學斌（52歲）疑因不堪工作壓力於日前跳樓自殺，其同事昨在網上討論區開設悼念專區並留言。另外，劉生前工作的尖沙嘴分行，多名女職員昨仍情緒激動，偷偷躲在公司一角飲泣，滙豐已派心理專家到該分行為有需要的職員提供協助。
滙豐尖沙嘴分行昨氣氛凝重，上下一片愁雲慘霧。據職員透露，公司管理層昨與他們開會，要求各員工注意減壓，並認為員工毋須向客人透露有關事件。但多名女職員仍受劉學斌的死訊困擾，而躲在公司一角飲泣。
「佢係一個好上司，佢幫下屬頂咗好多壓力，佢嘅死係公司一大損失。」憶起上司劉學斌，與他共事的職員表示，自己很久沒有找到客戶，有一日簽到一張新單回來很高興向劉滙報，劉很平靜地回應說：「大家畀啲心機唔好緊張。」該名職員補充：「為了幫同事，佢（劉學斌）會將自己啲客介紹畀同事做數。」
「難得一見嘅好人」
有劉的同事在香港討論區網站開設悼念專區，一名署名Sham-Shui-Po的網友留言：「你寧願備受某人嘅壓力都唔向大家捽數，以相信同關懷嘅態度對我哋，真係大貓（滙豐）難得一見而且有血性嘅好人。」另一名lwyc網友留言：「有次佢去分行派利是，佢竟然記得我個名，我真係好開心，佢就係嗰種不發一言就能感染你努力工作的人。」一名署名不聞不問網友留言，呼籲劉的同事返工時手臂戴黑布以誌悼念。
任職滙豐銀行尖沙嘴分區總監的劉學斌，疑不堪公司壓力，於本月22日晚7時45分，在藍田興田邨恩田樓32樓跳樓身亡。