出爐香港小姐冠軍張舒雅、亞軍陳倩揚和季軍馬賽連日來忙於出席各頒獎禮，昨日她們馬不停蹄到旺角必瘦站領獎，不過獲贈10萬元瘦身療程的冠軍張舒雅，可謂得物無所用，她說：「我都唔知點用，要問吓先，其實我都冇乜可以瘦，參選之前係肥少少，選嗰陣時已經瘦，盡量少食零食同薯片，𠵱家選完，我會獎勵自己食薯片。」
馬賽哭別好友
問張舒雅其家人有否為她擺幾圍慶祝？她笑說：「咁又唔會，會喺屋企食，不過我好想出街食。」
季軍馬賽打算休學一年履行港姐職務，她透露有幾位落選港姐好友打算離開香港，繼續學業或作其他發展，她說：「梁倩汶會返英國，史宛殷同黃潔婷都會走，佢哋之前成日同我一齊，所以好唔捨得佢哋，嗰日撞到佢哋返TVB試鏡，我都忍唔住喊。」
採訪、攝影：楊潔雯