趙碩之噚日去黃埔出席一個商場活動，佢即場同中國香港體操總會女子隊學玩韻律波。體操隊教練大讚趙碩之身材好，仲講笑叫佢加入團隊，但司儀叫趙碩之打個前空翻，趙碩之即時尷尬到目瞪口呆。至於趙碩之推出嘅寫真集成績理想，佢話：「如果成績好會慶祝吓，或者冬天再去北海道影多次靚相。」