港台節目《瘋Show快活人》前DJ梁繼璋，在今年1月時離職封咪近半年，他日前與李麗蕊在香港人網合作主持節目《瘋騷快活人》，與網民互動一番。
梁繼璋日前接受電話訪問，他指這次與李麗蕊合作很開心，他說：「我哋早期都合作過《瘋Show快活人》，其後有段時間各自服務唔同電台，所以呢次有緣再合作開咪，真係好開心，經過咁多年嘅經歷，我哋大家閱歷多咗，不過仲係好有默契。」
問梁繼璋會給自己這次開咪多少分？他說：「80分啦，扣咗20分係因為期間我哋有『搶韁』情況，即係大家都心急搶嘢講，可能有一排冇開咪，我哋都心急想講多啲嘢，下次應該改善嘅。」
採訪：比華利