王賢誌早前一個人到瑞典、愛沙尼亞、丹麥、芬蘭和巴黎旅遊，雖然未有花費太多金錢購物，但兩星期的行程，王賢誌已花費逾六位數字旅費，他說：「啲地方生活指數好高，特別係丹麥哥本哈根，一支水要30幾蚊，搭的士好近距離閒閒哋都要幾百，加上啲歐元好貴，所以今次冇乜點買嘢，但就好捨得食同住，揀咗啲有特別設計嘅酒店住，又試吓去米芝蓮級數嘅餐廳食嘢，又坐火車又坐郵輪，一個人都使咗成六位數字。」
感覺好自由
一個人旅行難道不感寂寞？王賢誌說：「今次去北歐其實半年前已經計劃好，我有問過啲朋友有冇興趣去，但時間配合唔到，所以最後決定自己一個人去。我發覺一個人去旅行嘅感覺好自由，鍾意幾時起身就幾時起身，鍾意去邊就去邊。係初時有啲擔心語言溝通上有問題，但原來好多人都識講英文。」
撰文：林妃