兩位天王嫂樂基兒和熊黛林昨日又同場相遇，早前爆出熊黛林要求與樂基兒同工同酬，對於樂基兒放長假在即，熊黛林昨日走光搶鏡，又大做訪問談城城，更明言不介意接收樂基兒放假期間的工作和客戶，進取地攝位。
法國手袋品牌Lancel昨日在中環舉行08秋冬手袋騷，兩位天王嫂樂基兒和熊黛林又再同場。手袋騷搞搞新意，以情侶劇形式進行，熊黛林坐下騷袋時，不慎走光，之後男模突然送花、送戒指求婚，認真驚喜連連！
爆郭富城送花
熊黛林之前曾參演電影，昨日即場演出時，開心笑及攬住男模的效果，都做到如舞台劇的誇張，事後她說：「係大會要求，我要扮開心。」因為有人送戒指求婚？她說：「只要係鍾意嘅人送，收乜都開心。」問她郭富城有否送過戒指，她說：「我冇收過戒指。」珠寶？「冇喎！」手袋？「冇」她謂只收過演唱會票及花，恨收婚戒？她說：「𠵱家未想結婚住，收咗戒指咪係一生一世呢？」
現場樂基兒都有與男模演出，但心情似乎欠佳，之後她更向記者說：「我唔做訪問得唔得？」隨即走人。
接手毫不客氣
問熊黛林樂基兒似避開她？熊黛林說：「點會避開？我哋成日一齊做嘢，佢講廣東話叻過我。」早前有傳樂基兒會停工放假，返美休息，熊黛林大可接手她的工作，熊黛林即不客氣說：「睇吓佢啲客鍾唔鍾意我啦，如果鍾意，都會接多啲嚟做。」
同場，一向愛香港的翻版關之琳Jocelyn，繼之前學普通話後，昨日透露更有意效法LisaS.找相士改中文名。
採訪：JessicaNgan 攝影：MatthewLam