新城電台DJ葉文輝（啤梨）昨日在黃埔宣佈加盟新唱片公司，成為賈曉晨（JJ）的師弟。JJ之前跟啤梨合作，覺得他人品很好，今次啤梨加盟公司，她甚表歡迎，還說：「我想同啤梨合唱情歌，因為佢好多女仔fans，想睇吓合唱完會唔會俾人打。」問到她所屬的唱片公司，陰盛陽衰，是非是否也多？她說：「公司啲同事OK，我哋經常有合作同交流，相處得好開心。」
「同女仔都OK」
JJ表示現在越來越多女fans，問她有否遇過女fans示愛，她說：「咁就冇，就算有都唔驚，細個我有諗過，同女仔都OK，但最後都發現自己鍾意男仔多啲。」至於啤梨簽約新公司，談到很多歌手跟唱片公司簽約10年以上，他說：「如果可以，簽約賣身賣一世都去，結婚都唔想離婚啦，最緊要生多啲仔，仔就係唱片。」
採訪、攝影：王連連