李嘉欣日前接受商台節目《嘩！嘩！嘩！打到嚟！2008》訪問，原來嘉欣覺得最迷人嘅男藝人係金城武，仲大讚佢越嚟越靚仔，最後嘉欣被問到婚姻對佢嚟講係咪好重要時？佢就話以前冇諗過會結婚，但當理想對象出現諗法就完全唔同晒，又話覺得同男友許晉亨最夾係性格，希望將來做任何事都可以同男友一齊，仲會考慮生兒育女喎！