肥媽瑪莉亞早排上咗廣州為佢喺有線娛樂台嘅節目拍攝全新系列《吃出傳奇》，今次佢訪問任職一間研製生物科技食品公司嘅高層廖偉雄（阿燦），肥媽除咗到阿燦嘅有機米田參觀，又落埋田感受種米嘅滋味外，仲同阿燦傾吓人生起跌，阿燦話：「做過燒味先知原來咁辛苦，成日燒到周身損傷，都係𠵱家做打工仔好啲！」