九年前不幸中風導致右邊身癱瘓、口齒不清的豪叔，憑堅毅的意志鍛煉身體，活動及說話能力大大改善，近日有物理治療師建議他接受健步訓練，以進一步改善肢體活動能力，惟一個為期三個月的療程須費數千元，若有需要，更要持續進行。他希望可回復正常生活，自力更生，盼善長援助訓練費。
現年51歲的豪叔，九年前突然中風昏迷，在鬼門關徘徊，他接受腦手術後一個月蘇醒，惟右邊身癱瘓，不能言語。原本從事工程生意的他，一時間難以接受失去活動及說話能力，意志一度消沉。「當時嘅記憶好混亂，可能做咗手術嘅關係，只記得出院後冇耐，我老婆就趕咗我出嚟，仲帶埋一仔一女離開我，我當時仲係不良於行，言詞又表達唔到，嗰刻真係好心痛，最後好彩有媽媽照顧我。」
希望可重投工作
疾病奪去豪叔的健康、事業和前途，卻未有磨滅鬥志。豪叔憑着一顆永不言敗的心，不斷鍛煉身體，由最初倚靠輪椅代步，漸漸嘗試用枴杖步行，每日苦練，更日日行山，終讓他回復步行能力。至於右手，更日日在家用健身器苦練，再加上電療，終於恢復些微知覺。「雖然𠵱家隻手仲係冇乜力，行路都仲係一拐一拐，但係已經好番好多。」
豪叔去年得知有中風人士透過健步訓練改善活動能力，其後他更有機會參與理工大學一個對中風人士的研究計劃，獲資助接受物理治療。「我做咗兩個幾月訓練，加上自己不斷操練，右手右腳嘅情況好咗，行快咗。計劃完咗，物理治療師建議我試吓接受健步計劃，又幫我做轉介去一間私營機構做訓練，但係做一個為期三個月嘅療程，共12節，連評估費要5,000蚊。」惟豪叔倚靠綜援維生，根本無力支付有關費用。
「我好想快啲好番，我仲想出嚟做嘢，自食其力，攞咗咁多年綜援，已經好夠啦！」豪叔不欲虛度下半生，他盼可接受訓練，重過正常人的生活。此外，有見豪叔雙手無力，蘋果日報慈善基金已撥款安排為他添置洗衣機。
捐款編號：C2593
話你知：中風患者公院支援不足
中風是近年常見疾病的第四大殺手，患者因腦血管嚴重阻塞或損傷，令腦組織缺氧一段時間並造成壞死，導致相當程度傷殘，近年中風人數越來越多，更漸趨年輕化。
於中風後的初期，通常醫院會安排患者接受物理治療及語言治療，以改善手腳活動能力及語言能力。惟有關訓練需長期進行，現時公立醫院沒有資源支援中風康復者接受長期訓練，通常康復至某一程度便會停止。康復者便要按個人經濟能力，自行到有提供相關訓練的社會服務機構或私人機構，接受自費康復治療。
資料來源：衞生署、新健社（中風患者及家屬互助社，網址： http://www.hk-stroke-a.org.hk）
蘋果日報慈善基金
電話：29908688
傳真：37112468
電郵：mailto:[email protected]
網址： http://charity.atnext.com
蘋果日報慈善基金接收捐款戶口
恒生銀行：368-006565-001
中國銀行：012-898-00067655
滙豐銀行：580-198836-001
渣打銀行：447-0-667059-3