有份演出無綫劇集《桌球天王》的鄭少秋、周麗淇（Niki）和鄧健泓（Patrick），昨日在尖沙嘴一間桌球室練習打桌球。Patrick透露近日得到許志安教路，球技已有改進，他說：「安仔打波真係好勁，呢排佢免費教我篤波，我真係欠佢好多人情，唔知幾時先還得晒。」
Niki睇跌打
秋官指近日到桌球室練波，事前已向太太官晶華申請，他說：「我好乖㗎，去邊做啲乜都會向太太申請㗎。」至於Niki近日受背傷影響，要睇跌打醫治，她說：「我之前拍打戲搞到條骨歪咗，個背脊成日痛，呢兩日要睇跌打敷藥。」當記者說笑叫Niki向無綫要求開拍《網球嬌娃》，屆時可由緋聞男友鄭嘉穎教路，她笑說：「《網球嬌娃》邊個開呀？你哋開畀我拍呀？」
採訪、攝影：李珮洳