孫耀威（Eric）和楊思琦前晚在灣仔金紫荊海傍，為新劇《新網中人》拍攝一場談情接吻戲，不過只是蜻蜓點水式，輕輕一吻。Eric表示和楊思琦之前已拍了一場激吻戲，一take完成，問他感覺如何，Eric說：「零feel，咁多人望住唔好受，唔舒服。」楊思琦和Eric緋聞女友楊秀惠同姓，拍接吻戲時會否特別親切或想起楊秀惠？Eric聞言即說：「唔會諗起佢，冇關係。」至於和楊秀惠是否拍了咀戲，Eric表示未拍，但會一視同仁，Eric坦言：「唔好再講我同佢，我睇到近來新聞都好反感，公司考慮採取法律行動。」
嫌核凸拒發誓
重提當日樂易玲生日會有傳Eric攬女而激喊楊秀惠，Eric直言：「邊隻眼見我攬女，我同佢拍戲佢都冇話唔開心，佢只係話掛住屋企人。」記者叫他發誓證明沒有攬女，Eric認為此舉核凸兼老套，故此拒絕照做。
至於楊思琦表示拍咀戲毋須向男友備案，問到會否擔心楊秀惠呷醋？楊思琦稱：「唔擔心，我都唔覺Eric同楊秀惠有乜蛛絲馬迹，Eric都有同我傾佢啲緋聞，佢話好懊惱。」另外有報道指她炒股賺錢，楊思琦強調沒有買樓，只是「齋睇」而已。
採訪：魯萍
攝影：陳慧安