馮仁昭四圍超：Tanya裸攻書展拒提張震 - 馮仁昭

張震嘅女朋友吳家欣（Tanya）日前推出咗一本火辣辣嘅寫真集，入面有多個造型，大部份以泳衣做主打。Tanya擺出多個性感甫士，非常誘人，其中一張係佢裸露上身，雙手抱胸嘅相，仲似乎有露點，不過就有粒星幫佢遮住呢點，本寫真喺書展都有得賣。

要求清場

講到第一本寫真就咁大膽，Tanya日前話：「都係因為我信任個攝影師，事前佢已經同我講過個構思，我覺得好接近我嘅形象，因為我都好鍾意陽光與海灘，同埋如果拍攝一啲比較大膽嘅相時，我都會要求清場，淨番我同攝影師。」
對於男朋友張震有冇畀意見，佢就唔多願提，免得俾人覺得佢借男朋友宣傳，只係話啲朋友睇過佢本寫真都覺得啲相好靚，仲有啲朋友話唔夠大膽，應該要再大膽啲喎。