「社會就係咁殘忍」<br>霆鋒歷淫照風暴慘過入獄

「社會就係咁殘忍」
霆鋒歷淫照風暴慘過入獄

謝霆鋒為電影拍煞科戲,由於戲中角色要保持不開心情緒,故經常回家時自然維持壞心情,幸得太太栢芝從旁開解安慰,霆鋒又承認栢芝淫照風波與自己頂包入獄事件相比,他坦言是家事的經歷影響較深遠。

謝霆鋒前晚為電影《証人》開工拍煞科戲,他要拍攝在旺角一間的娛樂公司五樓的霓虹招牌上攀爬鏡頭,及一場被掌摑戲,拍攝的演員有霆鋒、張家輝、張靜初及鍾舒漫等。

大聲喝囝囝

擔起成頭家的謝霆鋒今次又再搵命博,他接受訪問時說:「我已經打咗22個鐘,工作人員擔心我拍呢場戲體力唔知應唔應付到,所以畀我返屋企休息咗一陣先拍,本來太太唔知我拍乜嘢,後來佢知道拍乜都有叫我小心啲,為咗拍呢個戲我日日要keep住唔開心嘅mood,有時將呢啲情緒帶返屋企,太太有開解安慰我,有時我返到屋企佢哋又瞓咗,不過有時太太會等我門,個仔見到我仲認得我,因為全屋企只有我一個會大聲喝佢,好似今日佢差啲打爛嘢,我咪大聲喝佢。」

謝霆鋒每次拍戲都搵命博,今次更徒手在五樓高的棚架上攀爬。

張靜初為求逼真,出盡力掌摑謝霆鋒。

「阿妹要仆吓」

霆鋒拍這部戲有不少動作場面,如今他仔細老婆嫩,會否較錫身?霆鋒表示要視乎劇情需要。另外,又講到四哥拍《向世界出發》時,在節目講及霆鋒因頂包入獄,這期間是四哥最心痛的事?霆鋒說:「佢好清楚我每日點過,呢個係我一個經歷,任何事有自己立場,社會對自己眼光點都好,過到忍到就繼續行,時間唔會等埋我,我入行至今能夠自己爬起身,呢啲係我與生俱來本能,好似個妹想入行,我咪用自己嗰套放喺佢身上,我想佢撞鋪勁,人話我殘忍,社會就係咁殘忍,要趁早仆,對與錯都要仆吓,我唔係咒個妹,只係想佢識起番身。」
記者又問他在過往事件中是入獄還是栢芝淫照風波令他經歷較大?霆鋒說:「梗係屋企啦,人判斷人係會有另一個外來因素,人與人之間相處,每日有唔同嘅人,不過同屋企人係過人世。」在他心中始終是家人最重要。
採訪:楊潔雯
攝影:仇志德

栢芝涉淫照風波,成為霆鋒人生經歷中最大影響的事件。資料圖片