古巨基噚日到灣仔書展為300名小學生講故事，原來前一晚佢錄音錄到凌晨3點，但一見到啲小朋友即刻精神晒。基仔希望為親生仔Kubi推出一系列產品包括故事書，又想以Kubi名義搞齣音樂劇。佢話好想建立自己嘅兒童王國，自己就做埋兒童國國王。活動完畢後，基仔到Kubi攤位巡視業務，其間引起混亂，最後逗留咗幾分鐘就離開。