鄺美雲（Cally）愛錫狗仔全行皆知，她不止餵寶貝小狗Cash吃鵝肝、嘆spa，還斥資六位數字替Cash出書，及推出一系列印上愛犬肖像的精品文具，在今日舉行的書展上大晒冷兼上演人狗大戰，硬撼𡃁界女神Angelababy和傅穎（Theresa）的水着寫真。
一年一度的書展今日將假灣仔會展開鑼，不少藝人均趕出書搶客，當中又以一眾青春女星包括傅穎和Angelababy等推出的水着寫真集最具瞄頭，但鄺美雲卻走另類路線出書，為其愛犬Cash推出寫真集《CashHappyBook》之餘，更推出一系列印有其嘜頭的文具精品，但因會場不准狗隻入內，令Cash未能參加今午舉行的發佈會，但Cally會代狗出席，無綫總經理陳志雲也會出席撐場，一樣架勢。
捐四川賑災
富婆Cally豪擲六位數字替Cash出書及推出產品，新書內容是以Cash第一身看世界為主，配合牠拍攝的靚靚寫真照，至於產品方面包括原子筆、環保袋、文件夾、便條紙及T恤等，價錢由38元至228元不等，所得款項不扣除成本全數撥捐慧妍雅集的四川賑災基金及興建災區校舍用途，所以Cally覺得愛犬出書能行善積德，實在別具意義。
據知Cally已租了會展場內的整個攤位為愛犬新書造勢，昨日她更親到會場監督，比自己新書還要緊張。昨日Cally接受電話訪問時便說：「會場唔畀動物入嚟，所以我已經幫Cash做好啲手印腳印，由我呢個阿媽嚟。今次Cash會出4,000本書，希望可以籌多啲錢幫人，其實動物真係好有用，佢除咗係人嘅忠實朋友外，仲可以做狗醫生、義工，去老人院、醫院，令啲人好開心，個個都happy。」
Cally在內地興建了多間學校，又經常買大量文具送贈學童，雖然她對Cash的文具銷售量甚具信心，但即使賣不完，也可以將文具轉送學生。
採訪：葉雪
