港股連升4日，扭轉上周初插水陰霾，喺香港討論區形容「熊市已死，牛市當立」，預測後市好快會再破23000點嘅Semjase話：「今個或下星期更有機會做到23500至24000點。」
網友fungv3話港股能夠挾高，全靠大笨象滙豐（005），真係「成也大象，敗也大象」。Daniel81指：「呢次仲唔係牛仔反擊戰。」食得咁多牛仔，點都會有啲「漏」嘅。今日就有22隻熊仔俾人打靶咗。不過johnnyhut對後市唔係抱咁大期望，「熊市仲未玩完㗎！小心反彈後，再次掉頭向下。」max077亦唔係咁樂觀：「全世界都知道美元貶值，次按危機又未完全搞掂晒，都係小心為妙。」