引入國際名牌的LaneCrawford（連卡佛）早前在紐約拍攝最新一輯秋冬廣告硬照，鄧永鏘千金鄧愛嘉，連同已故名模TinaChow的千金周佳納、內地影星張靜初、名模裴蓓等一起拍攝。鄧愛嘉以齊蔭20吋長秀髮的造型示人，她笑言自己像個女巫，家人一概都認不出她，她還形容此次是畢生難能可貴的經驗，更會儲起酬金作紀念。
本地名店LaneCrawford強勢打造時尚名堂，在國際時裝舞台佔着重要席位，近年連卡佛在廣告硬照方面，更極具創意及有份量。繼春夏季找來張曼玉、劉燁和杜鵑等具代表性的亞洲面孔，秋冬再下一城，香港的邀請了鄧永鏘千金鄧愛嘉、外地的有已故名模TinaChow千金、奇洛李維斯（KeanuReeves）緋聞女友周佳納（ChinaChow）、內地的有已躋身國際模特兒的裴蓓、四大名旦之一的張靜初、著名音樂人張亞東、SongNing及藝術家TerrenceKoh等拍攝新一輯廣告硬照。
「唔知做緊乜」
這輯硬照以Innovators為主題，由國際知名攝影孖寶InezVanLamsweerde及VindoodhMatadin在紐約操刀。現駐倫敦為英國時裝品牌ISSA作公關的鄧愛嘉，昨日接受電話訪問時笑言此次演出經驗難忘，她說：「平時自己係做攝影師，今次俾人影，好緊張，都唔知自己做緊乜，扮cool扮型，個stylist幫我吹直咗20吋長嘅齊蔭髮型，自己都覺得有啲似巫婆。之後我拎寶麗萊畀屋企人睇，佢哋個個都唔認得我。」
問鄧愛嘉與其他人的合作過程，她說：「雖然大家係分開拍，都有一齊食飯，張亞東同SongNing都係第一次去紐約，但冇乜時間去觀光，ChinaChow好好人，好sweet。」
儲酬金留念
問如何處理今次酬金，鄧愛嘉說：「因為呢個job可算係我畢生難忘嘅經驗，加上呢個班底，幾多錢都計唔到呢啲經驗，我會將今次酬金儲起留念。」
撰文：RitaLeung
