作為港島區後花園──淺水灣，大白天的動感活力，跟華燈初上的迷人風景截然不同，最美妙的在黃昏時分，走入淺水灣酒店的影灣露台餐廳，享受一下燭光晚餐；每晚的「紅粉醉人黃昏香檳晚餐」叫人未嚐先醉，粉紅香檳飄盪着玫瑰花香，拿着那無腳的花形酒杯，幻想跟愛侶雙雙變成無腳的雀仔，飛向日落。酒未到肚，神智已難清醒。
記者：洪偉順、梁美甜
攝影：楊錦文
模特兒：Edwin、AK、Enrica（StagesModel）/Roy
金裝維他奶動靜皆宜
Vitara尾廂大兼有大天窗，夏日曬太陽、夜遊都唔怕無位放用品，就算夜晚要FormalDress嚟個燭光晚餐一樣得，由朝玩到晚放咩Gear都得。最盞係身為四驅嘅Vitara，動靜皆宜，開入淺水灣酒店一啲都唔失禮，夠撐！
紅粉醉人黃昏香檳晚餐$1,888
未上餐，先依傍柵欄邊，從上而下觀賞整個淺水灣景觀，享受着鬱金香花蕾形香檳杯盛載的Moet&ChandonRoseImperial，吐吐心事說說情話，長長的酒杯沒有杯底，不想你隨便放下。$1,888，值得花。
Moet&ChandonRoseImperial
出產自法國北部，色澤粉紅非人造色素，只因加入了少量紅酒，令色香味更有質感。
法式餐前小食
3種小食，有甜酸味道的醃三文魚伴茴香片及香橙、用餅作底的脆卜卜鴨肝配意大利青瓜茸及巴馬火腿配蜜瓜薄荷凍湯，開胃好味。
金蒜迷迭香燴羊鞍
用迷迭香做成的羊汁燴熟澳洲羊鞍，略有羶味，不過肉味及肉汁豐富，口感鮮嫩，再配上普羅旺斯鮮蔬雜菜，可冲淡食肉的肥膩感。
扒僧魚意大利煙肉卷
用魚煮成的上湯混合忌廉打成泡沫醬汁，淋上雪白的僧魚肉及意大利煙肉卷，唔太鹹。想添濃味，可配黑松露醬汁，更鮮味。
Valrhona紅粉梳乎厘
軟綿綿的紅粉梳乎厘包住果香濃郁的法國Valrhona朱古力雪糕，用覆盆子（木莓）蘸來食，甜酸苦交集，口味獨特。
提提你：
影灣露台餐廳有四張向海最靚嘅枱，早啲Book穩陣。
揸車
由東廊往柴灣環翠道，經連城道轉入哥連臣角道及石澳道，轉入大潭道，經赤柱峽道轉入淺水灣道，望見酒店轉右便到。
泊車
餐廳代客泊車：午餐或晚餐均可享用三小時免費代客泊車。
沙灘停車場：沿淺水灣道轉入南灣道至海灘道裕泊有限公司露天停車場，平日$4半小時，兩小時後每半小時$6；周六、日及公眾假期首兩小時每半小時$8，隨後每半小時$12。
淺水灣酒店影灣露台餐廳
地址：香港淺水灣道109號（22922822）
黃金五連灘
新界西要數靚海灘，黃金海岸第一。而且是少有的五個灘連在一起，海岸線夠長。黃金泳灘意大利餐廳負責人陳生話：「八成客都係揸車嚟，有個大停車場，兩蚊半個鐘，玩一日都唔使一嚿水。情侶最鍾意揸住支紅酒，靜靜咁坐喺餐廳外面，對住海邊飲酒邊談情。」
龍蝦焗鮮白菌/$78
撒上香草碎喺大大粒的蘑菇上，配上白汁令整道菜更香濃可口，剛好跟龍蝦鮮味配襯得宜。
揸車
荃灣方向沿青山公路入，經大欖段、掃管笏段至青山灣段，過春和海景花園轉左轉入黃金海灘支路即到。
泊車
沿黃金海灘支路直行，購物商場旁有大型露天停車場，全部兩小時錶位。
查詢：黃金泳灘意大利餐廳
地址：屯門青山公路18咪半黃金泳灘（26180278）
歐陸凍飲夠Hea
西貢有最多的沙灘，同南區一樣外籍人士特別多，揸車到Hebeoneoone你會發現一棟兩層高的橙紅歐陸建築物，零零舍舍地存在村屋中，對面仲有戲棚有人做大戲，絕對可以體會百分百中西交融。如果想找沙灘漫步的話，戲棚旁碼頭仔有船去三星灣，5分鐘就到，$15一位包來回。
坐喺大堂沙發飲嘢捉棋，夠晒Hea。
揸車
沿清水灣道行，左轉沿西貢公路往西貢方向，見觀音廟慢行，過紅綠燈左轉入滘西新村即到。
泊車
滘西新村停車場有10個錶位，滿咗可過對面白沙灣碼頭露天停車場。
查詢：Hebeoneoone
地址：西貢白沙灣112號（23355515）
上山下海好伴侶
今次陪伴我哋東征北伐嘅SuzukiGrandVitara2.0，屬第三代維他奶，雖然係中型四驅車，但採用全新內置陣式單體車架，配合四驅配置中央差速系統，同Honey外出，上山下海甚至要越野都一樣得；由屯門踩入西貢再過海，跑山路遊走石澳大潭呢類超多彎又窄嘅路都游刃有餘，加上車身高視野廣、17吋闊輪胎配合內置差速系統，就算高速入彎出彎都揮灑自如，低轉扭力強抓地力一流。代理剛引入2.4公升型號，馬力更強勁，首批仲送HID頭燈同中控液晶屏幕㖭！
規格
引擎：1,995c.c.直4
馬力：140ps/6,000rpm
扭力：183Nm/4,000rpm
波箱：四前速自動波，四驅
查詢：香島汽車（23320091）