「Car通」經常上珠海試車、劈車，飄移飄到珠海國際賽車場指定為所有大型賽事作表演嘉賓嘅TypeRClubJames同Ray，話搞搞新意思，索性請《蘋果》讀者親身參與其中，甩番夠本！今次行程包食包住包船飛，最重頭戲係試坐James花70萬新改裝嘅Supra，馬力由280匹硬生生谷到上700匹！仲有Ray架花咗50萬去改嘅600匹SilviaS15，同你哋玩兩車追逐！James話今次邀請讀者上去試坐不計成本，最值錢係損耗性相當大嘅輪胎，基本上兩個圈已經要報銷，贊助一個人差不多要成萬蚊，好彩TypeRClub得到Yokohama輪胎商贊助今次活動，等讀者親身感受吓珠海賽車場嗰種緊張刺激氣氛。得10個名額咋，快快手填表格寄畀TypeRClub參加抽獎啦！
記者：徐影龍
問題一：Supra原裝出廠時採用甚麼引擎？
問題二：James與那位車手同被珠海國際賽車場指定為飄移表演嘉賓？
★得獎名單將於7月29日本版內公佈。
參加辦法
1.參加者須將答案填妥在參加表格內，並聯同個人資料*，寄至九龍土瓜灣貴州街6號地下，即有機會獲獎。
2.受理表格為今日起至7月26日**，逾期作廢。
3.參加者年齡須18歲以上，每人只限參加一次，得獎者將有專人通知。
4.為公平起見，《蘋果日報》及TypeRClub員工、家屬不得參加是次遊戲。
5.主辦單位對賽果保留最終決定權，參加者不得異議。
6.所有獎品內容由供應商負責，《蘋果日報》概不負責。
7.落場前須簽訂「生死狀」，所有意外事件主辦單位、《蘋果日報》概不負責。
*參加表格上之姓名須與身份證相同。
**以郵戳日期為準。
‧必須憑報紙上的參加表格才可以參加遊戲。