今日〈你的意見？〉問題見刊各版，如有回應，
請電郵至：mailto:[email protected]
或傳真至：37112411
或發短訊至：60107999
本欄會選登部份讀者的回應。
●怪俠（周福祥）買漢堡包派街坊抗議麥當勞，你對他的行動有何看法？
我覺得呢位怪俠好正義，為低下階層同埋弱小社群抱不平。雖然佢今次用嘅方法都幾另類，不過，可以令到麥當勞高層重視，只要無傷害他人，都不失為一個好辦法。佩服……佩服！──短訊留言
我支持周福祥的做法，麥當勞真是十分過份，幫襯的就是customer，點可以歧視人！──tony
本人為一社福機構社工，舉辦活動時有時帶服務使用者到麥當勞午膳或選用其外賣服務，但近日亦受到麥當勞職員的不禮貌對待，故意留難……本人希望麥當勞能有社會良心，請尊重客人！──一名氣憤的社工
以前麥當勞的職員充滿笑容和快手，但自近年改了新潮形象後，我幾近未見過笑面，而且做事很慢。──flyinggoat
我對於怪俠行為欣賞，但我覺得麥當勞員工沒有那麼差。因為我每晚都有去這間分店，我看到的是每晚都有拾荒者在睡覺聚腳，又不幫襯，真正買東西又沒有座位坐。人哋打開門做生意嘅，人哋唔係善堂。──短訊留言
我亦見過不少顧客霸道又無禮貌，人哋打開門做生意，佢哋就老馮咁當麥記係聯誼會，唔幫襯就霸佔座位睡覺、傾偈、擺埋隻腳上枱都見過。做職員嘅都好慘，唔係小市民就大晒，應該以事論事，唔好一竹篙打一船人。──pun
●對政府取消外傭稅的看法。
對外傭稅我強烈支持永久取消，由day1就唔應該實施呢個政策。政府簡直就係搵中產笨。我覺得對我哋剛剛簽新約嘅僱主好唔公平，應該要發還已經繳交的稅款。如果要我再畀埋打後的稅款，簡直就過份。──DaisyLau