利物浦球星沙比阿朗素呢排做咗轉會紅人，繼之前轉投祖雲達斯臨過門「撻Q」後。另一意甲勁旅國際米蘭，亦有傳打算斟佢過檔，皆因車路士死都唔肯放林柏特走，如果萬一單嘢觸礁，就會改邀沙比阿朗素加盟。我求大俠覺得利物浦今夏肯定會買粒鋒線球星加盟，喺資金唔充裕下，好可能賣沙比阿朗素套現，所以執定包袱啦，大紅人！