【本報訊】今次特首提出豁免外傭稅兩年，卻未能惠及所有外傭僱主，特別是部份提早繳交了稅款的僱主，竟然不獲發還已交款項，大犯眾怒，政務司司長唐英年昨在立法會解畫，即成箭靶。政府消息人士聲稱是現時法例，未有給予政府退還稅款的權力，但有立法會議員指斥政府根本是「卸膊」，就算當中涉及修改法例，也不過是稍遲退款給僱主，「政府唔係做唔到，係佢哋唔想做！」
政府消息人士稱，其實在豁免措施生效之前續約的外傭僱主，他們不會失去兩年外傭稅豁免優惠，只是留待下次續約才開始計算，「只係遲啲拎到，唔係等於冇咗。」
至於為何不索性發還已預繳而獲豁免的稅款，消息人士辯稱，按目前法例，稅務局局長有權豁免某些稅項，卻沒有發還已徵收稅款的權力，若政府要將已繳交的稅款發還，必須透過修改法例，否則無法做到，但現時立法會已經休會，只有等待立會復會才可以做到，加上審議需時，可能年底也未必可以落實。
議員直斥政府卸膊
不過，職工盟立法會議員李卓人直斥政府解釋是卸膊，「特首要做，呢個係政治命令，點會做唔到？」他說就算涉及修改法例，不過是僱主稍遲收到退回預繳稅款，技術上政府是完全可以做到退稅安排，實情是政府根本不想做，「政府唔係做唔到，係佢哋唔想做。市民係想收番啲錢，唔會介意遲啲收！」