湯盈盈、姚嘉妮、劉綽琪及鄧穎芝等昨日於尖沙嘴出席護膚品牌活動，眾女當中以劉綽琪一襲低胸連身裙胸襲成功，對於自己最為搶鏡，劉綽琪說：「OK喇！夏天嘛！因為嚟緊要開工冇得咁女性化，仲要剪短頭髮扮女同性戀者。」她更表示未試過與女性拍親熱戲，拍攝時要向導演請教。
湯盈盈昨日明顯性感程度不及劉綽琪，問到是否緋聞男友錢嘉樂禁止性感時，她說：「邊個呀？咁有時變化吓都要配合場合嘛。」對於好友洪天明笑指兩人不合襯，盈盈說：「襯唔襯就見仁見智，你哋覺得呢？總之答又話我，唔答又話我。」
問到可有為錢嘉樂護理皮膚時，盈盈說：「佢咁黑！」但她自言欣賞對方皮膚黑。
嘉樂被玩殘
此外，前晚錢嘉樂、王祖藍和林曉峰等到了好友曾志偉和林敏驄的「棟溝笑2008」做嘉賓，眾人七嘴八舌大玩錢嘉樂和湯盈盈的緋聞，阿驄更揶揄錢嘉樂家中的大床很多人瞓過，而阮兆祥則取笑二人形影不離。
錢嘉樂有備而來，他立即招積反駁說：「張床幾多人瞓冇所謂，舊鞋幾個人都可以一齊着。」
採訪、攝影：王崇穎