鄧麗欣（Stephy）、施念慈、羅可旋和梁漢文女友Karen等前晚在中環四季酒店，出席化妝品牌ShiseidoMAQuillAGE三周年活動，AmandaS.、CaraG.、翻版關之琳Jocelyn和陳苑淇等擔任模特兒。
Stephy的舊愛、任職空中少爺的趙啓昕（Alex）現正與施念慈拍拖，兩女是夜首度在公開場合碰頭，頓成為焦點，兩人也大方企定定合照。Stephy透露第一次見施念慈，她說：「我哋冇正式見過，同Alex都唔會成日聯絡，係一班朋友聚會時見到，大家都唔會尷尬，都好耐之前嘅事，𠵱家佢做空中少爺，成日周圍飛好忙。」覺得Alex人品如何？Stephy說：「佢好好，好乖仔，嗰時佢好鍾意讀書，不過已經好多年冇傾偈。」
爆男友花名叫提子
另一邊廂，施念慈則笑言跟男友非常夾，她說：「我好鍾意紫色，又鍾意飲提子汁，咁啱Alex個花名又叫提子，大家又好鍾意寫嘢，我好欣賞識寫嘢嘅人。」問會否介意男友跟舊愛見面，她說：「唔係單獨就得，個個女仔都唔鍾意男友同以前女朋友出嚟，我自己都唔會同『ex』出嚟。」問其前夫陳鴻業和鄭詩韻婚禮再延期，她說：「都係睇報紙先知。」問她與陳鴻業有否聯絡，她說：「我好絕情，唔會同ex聯絡。」
採訪：羅慧敏 攝影：林德雄
