被邀出席劉嘉玲和梁朝偉婚禮的賓客包括林青霞、陶敏明和丈夫狄龍、狄波拉與夫婿鬍鬚Kong及葉童夫婦等，昨日分別現身曼谷機場轉飛不丹。
心情大好的青霞被問到為何不與丈夫邢李㷧和兩個女兒一起前往不丹時，她笑說：「老公喺屋企帶小朋友，下次先啦！呢個地方未去過，今次嚟考察吓，個女放暑假時都會帶佢出去玩。」
嘉玲和偉仔考慮婚後生育，青霞在41歲那年才誕下首名女兒，現年42歲的嘉玲即使盡快造人也屬高齡產婦，問到身為過來人的青霞會否向嘉玲傳授生仔秘訣時，她大笑說：「有得生就快啲生啦！」
外母滿意女婿
拉姑的想法也跟青霞一樣，希望嘉玲生兒育女，拉姑笑道：「結婚係人生大事，相信佢哋一定會生，佢哋有咁好DNA，唔生嘥咗啦。」
此外，偉仔的母親也率女兒和外孫女等乘昨日凌晨約5時半的航班，由曼谷往不丹，同機還有嘉玲母親，在場記者祝賀嘉玲母親嫁女，她聞言笑不攏嘴，連聲多謝。
日前偉仔母親大讚嘉玲是100分新抱，問嘉玲媽咪覺得偉仔如何時，她即說：「好滿意，100分。」又表示會為女兒送上祝福，至於會否恨抱孫？她僅報以微笑。
採訪、攝影：葉雪