羅嘉良、呂方及胡杏兒等昨日於奧海城宣傳無綫新劇《當狗愛上貓》，眾人為貓狗醫生打扮一番，女主角杏兒昨日竟然遲到半小時，事後她表示因拍劇才遲到，並已知會監製。問到呂方劇集播出時，女友鄭裕玲（嘟嘟）會否收看支持，他說：「佢成日都喺屋企，佢會唔會就唔知，不過我向來拍嘅劇收視都好好。」
呂方未想結婚
近來娛圈喜事頻傳，呂方謂祝劉嘉玲和梁朝偉開心，但不會因而有結婚衝動，他說：「唔會咁快，我哋雙方都比較低調，總之順其自然喇，如果真係結婚一定守得好密，其實大家都試過傾過呢個話題，咁𠵱家心境又唔係要向任何人負責又唔係要為下一代。」問到嘟嘟可有主動提出結婚，他說：「唔會，總之大家真係順其自然，又唔係趕住。」
採訪：王崇穎
攝影：黃偉雄