近來新聞多多的葉翠翠和動漫Maggie（李曼筠）昨日到上環出席Xbox360活動，雖然葉翠翠以比堅尼上陣，但怎也敵不過上圍強勁、在步行球中又跪又趴的動漫Maggie。自置物業後負面新聞不絕的葉翠翠透露會請風水師傅為新居看風水避是非。
葉翠翠和李曼筠昨日到上環一酒店出席「Xbox360夏日遊戲巡禮」，兩人未換泳衣先過招，即場試玩經典遊戲「街頭霸王」，結果動漫Maggie先勝一回合。之後兩人又被大會安排泵沙灘波，動漫Maggie又多次跌泵，俯身執泵時勁爆上圍盡現，吸引現場記者拍照，站在她身邊的葉翠翠也忍不住看着動漫Maggie的搞作。
站池邊做陪襯
之後眾人移師酒店泳池，翠翠和動漫Maggie換上比堅尼泳衣示人，動漫Maggie又獲安排玩水中步行球，反而葉翠翠只站於池邊。事後兩人分別接受訪問，翠翠被問到會否覺得風頭被搶時，她說：「唔會，工作冇所謂，Maggie身材好大家都知㗎啦，我唔會介意」。
提到報道指翠翠往內地會緋聞男友時，她說：「其實我係返去買傢俬，我知有3架車喺我後面呀，經理人都知。返去買傢俬係因為大陸夠free，香港地方細。」
睇風水避是非
至於父母被指居於月租3,000元的村屋，她回應說：「根本間屋就唔使畀租，𠵱家已經唔介懷同冇所謂喇。不過可能會搵風水師傅去新屋睇風水，雖然自己知咁樣正常（指近日多新聞），但係父母唔明，佢哋可能覺得家宅不寧同腳頭唔好囉。」
至於搶盡風頭的動漫Maggie則表示自己沒有刻意搶鏡，她說：「唔會，大家做嘢啫，個水上步行球好得意，我之前已經想玩，但係好難控制。今日我貼晒乳貼同膠紙，下身仲有平腳泳褲同條裙仔防走光。」
問到Maggie如此搏命是否酬勞豐厚時，她說：「冇關係，玩到個步行球已經好開心，其他嘢唔理等公司安排喇」。
採訪：藍文浩
攝影：葉君海
