徐子淇去年誕下被喻為觀音化身的愛女李晞彤，出生80天所擺的豪門「發實宴」哄動全城。前日千億B女一歲生日卻低調慶祝，徐子淇只帶了囡囡去玩具反斗城買玩具做禮物，富貴媽媽徐子淇前晚則染了一頭口靚界女神時興的啡金毛現身慈善晚宴，莫非想與囡囡拉近距離？
四叔李兆基的千億金叵羅孫女李晞彤（Leanna）去年出生80日所擺的「發實宴」，筵開兩晚豪花千萬，前日小晞彤一歲生日卻沒大排筵席慶祝。徐子淇和丈夫李家誠前晚現身灣仔會展，出席「青島獅子會危校重建慈善晚會」做善事，但卻沒有帶同女兒示人。
爺爺送玩具
前晚約7時45分，徐子淇與李家誠十指緊扣由兩名保鑣及多名保安護駕入場。近日𡃁界時興日本妹啡金曲髮，富貴媽咪、李太徐子淇也加入行列，染了一頭啡金色曲髮示人，配以Balenciaga桃紅色晚裝及綠寶鑽石頸鏈，摩登貴氣。
問徐子淇如何為囡囡慶祝生日時，她說：「係呀，今日生日，慶祝咗喇，帶咗佢去玩具反斗城，等佢自己揀禮物。」一歲已識揀玩具？她說：「佢識識哋㗎喇。」爺爺送了甚麼厚禮？徐子淇說：「都係送玩具。」
Mandy稱羨慕
同場陳柏霖的名模女友、「啤妹」MandyLieu擔任活動大使，身穿黑色低胸露背裝的她同樣搶鏡，原來她在徐子淇未嫁入豪門前已與對方相識，曾經一起做模特兒。
Mandy說：「佢係我當年好鍾意嘅模特兒，因為佢好靚，做嘢又好，人好簡單，似我嘅性格。同埋佢讀書叻，之後戀愛、結婚，好幸福，我都有少少羨慕佢。」問她若拿陳柏霖和李家誠比較會選擇誰？她即認定男友陳柏霖說：「佢可以滿足到我，唔可以比較囉，柏霖有101分，係無限分。」更謂視男友為結婚對象。
採訪、攝影：羅慧敏
